संघीय संसदमा सरकारको नीति तथा कार्यक्रम प्रस्तुत हुँदै

१ जेठ, काठमाडौं । आगामी आर्थिक वर्ष २०८१/८२ को नीति तथा कार्यक्रम आज संघीय संसदमा पेस हुँदै छ ।

दिउँसो ३ बजे बस्ने प्रतिनिधि सभा र राष्ट्रिय सभाको संयुक्त बैठकमा राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्ने कार्यसूची छ ।

त्यसमाथिको छलफल भने प्रतिनिधि सभा र राष्ट्रिय सभामा छुटाछुट्टै हुनेछ । संघीय संसदका प्रवक्ता दशरथ धमलाका अनुसार प्रतिनिधिसभा बैठकमा जेठ ३, ४, ६, ७, ८ र ९ गते छलफल हुने छ । राष्ट्रिय सभामा जेठ ३, ४ र ६ गते छलफल हुने छ ।

अन्तिम दिनको छलफलबाट नीति तथा कार्यक्रम पारित गर्ने कार्यसूची छ ।

सरकारको नीति तथा कार्यक्रम पारित भएपछि जेठ १५ गते संघीय संसदमा बजेट प्रस्तुत हुने छ ।

थप समाचारहरु

सरकारले मन्त्रिपरिषदबाट पारित गर्‍यो नीति तथा कार्यक्रम अर्थमन्त्रीले आज प्रतिनिधि सभामा सांसदले उठाएका प्रश्नको जवाफ दिने कृष्णबहादुर महराको बयान सकियो संविधान संशोधन र राजनीतिक स्थायित्वका लागि सहमति बनेको हो’ डा.शेखर कोइरालालाई धनगढीमा १५ किलोको माला प्रधानमन्त्रीले स्तर गुमाए, उहाँमा मानसिक विचलन देखियो : मनिष झा