मंगलबारबाट सदन नियमित संचालन हुन्छ प्रधानमन्त्री

३१ वैशाख, काठमाडौं । प्रधानमन्त्री पुष्पकमल दाहालले पछिल्लो राजनीतिक गत्यावरोध अन्त्य भई भोलि(मंगलबार)बाट सदन नियमित संचालन हुने बताएका छन् ।

पूर्वी चितवनमा सोमबार भएको अगुवा कार्यकर्ता भेटघाट तथा प्रशिक्षण कार्यक्रममा प्रधानमन्त्री दाहालले राजनीतिक दलहरूबीच अनौपचारिक एवं औपचारिकरूपमा छलफल भइरहेकाले छिट्टै निष्कर्षमा पुगिने बताए ।
‘सदनको गतिरोध अन्त्य भइसकेको छैन,आज यसबारे हामी टुङ्गोमा पुग्नुपर्नेछ । दलहरूबिच सघन छलफल हुन्छ,’ दाहालले भने ।

जसपा नेपाल सरकारबाट बाहिरिएसँगै सरकारको समीकरण फेरबदल हुने टीकाटिप्पणीप्रति सङ्केत गर्दै दाहालले भने, ‘सरकारको स्थिरतामा कुनै समस्या छैन । अहिलेको समीकरण पूरै कार्यकाल जान्छ । सहमतिअनुसार मिलेर अघि बढ्छौँ ।’
नीति कार्यक्रम र बजेटबीचमा सन्तुलन कायम गरी जनताका आकाक्षालाई बजेटमा सम्बोधन गरिने भनाई दाहालले आजै दोहोर्याएका छन् ।

‘आगामी आर्थिक वर्षको नीति तथा कार्यक्रम र बजेटबीच सन्तुलन कायम गरिनेछ,’ उनले थप भने, ‘कृषिलाई आधार र नवप्रवर्तनलाई केन्द्रित गरेर ‘पपुलिष्ट’ होइन ‘पपुलर’ बजेट बन्छ ।’

सरकारले उत्पीडित, गरिब, बिपन्न, विकट क्षेत्रलाई प्राथमिकतामा राखेर बजेट ल्याउने तयारी गरिरहेको उल्लेख गर्दै उनले कृषिमा आधारित उद्योगको प्रवर्द्धनमा जोड दिइने बताए ।

थप समाचारहरु

श्रमिकको न्यूनतम पारिश्रमिक वृद्धि गर्न सरकार गम्भीरः प्रधानमन्त्री नर्सहरूको सुविधामा एकरूपता ल्याउन सरकारले पहल गर्छ प्रधानमन्त्री समाचार टिप्पणीः किन सिंहदरबारबाट सडकमा पुगे उपेन्द्र प्रधानमन्त्रीले चौथो पटक सोमबार विश्वासको मत लिने बुद्ध जन्मभूमिलाई पर्यटकीय गन्तव्यका रूपमा विकास गर्छौं : प्रधानमन्त्री समाजवादी संस्कृतिको जग बसाल्न प्रधानमन्त्री दाहालको जोड