कोशीमा एमालेका राम राना र माओवादीका गणेश उप्रेती मन्त्री बन्दै

२७ वैशाख, विराटनगर । कोशी सरकारमा पहिलो चरणमा नेकपा एमालेका राम राना र नेकपा माओवादी केन्द्रका गणेश उप्रेती मन्त्री बन्ने भएका छन् ।

एमाले संसदीय दलका नेता हिक्मतकुमार कार्की नेतृत्वको मन्त्रिपरिषदमा बिहीबार एमाले र माओवादी केन्द्रका एक एक जना मन्त्री सहभागी हुने माओवादी केन्द्रका एक नेताले जानकारी दिए ।

एमाले संसदीय दलका उपनेता राना यसअघि केदार कार्की नेतृत्वको सरकारमा मन्त्री बनेका थिए । तर त्यतिबेला कांग्रेस र माओवादी पनि मन्त्रिपरिषदमा सामेल भएपछि एमालेले सरकार छाडेको थियो ।

गणेश उप्रेती पनि केदार कार्की नेतृत्वको मन्त्रिपरिषदमा मन्त्री थिए । २६ चैतमा एमाले र माओवादीले केदार कार्कीलाई दिएको समर्थन फिर्ता लिएपछि उप्रेतीले राजीनामा दिएका थिए ।

थप समाचारहरु

जनतामा निराशा आउन दिनुहुँदैन : गगन थापा अस्पतालको समयमा चिकित्सक बाहिर जान नपाउने’ आज चारवटा संसदीय समितिको बैठक बस्दै चिया निर्यातमा देखिएको समस्या समाधानको पहल गरिनेछ : प्रधानमन्त्री जनज्योती बहुमुखी क्याम्पसमा नेविसंघको प्यानल विजयी खाद्य सुरक्षाका लागि मलखादमा ६६ प्रतिशतसम्म अनुदान : मन्त्री अधिकारी