२५ वैशाख, काठमाडौं । रुसी सेनामा कार्यरत नेपालीको स्थिति सार्वजनिक गर्न, मृतकका परिवारलाई क्षतिपूर्ति दिन, सेनामा रहेकाको करार रद्द गर्न मागगर्दै अनशन बस्दै आइरहेका परिवारजनले प्रधानमन्त्री पुष्पकमलदाहाल प्रचण्डलाई आफ्ना मागहरु बुझाएका छन् ।
मंगलबार सिंहदरबार स्थित प्रधानमन्त्री कार्यालयमा पुगेर आफ्ना १३ बुुँदे माग प्रधानमन्त्रीदाहाल समक्ष बुझाएका हुन् । दुई साता अघिदेखि १३ बुँदे माग राख्दै जारी राख्दै आएका उनीहरुले प्रधानमन्त्रीलाई नै भेटेर मागपत्र बुझाएका हुन् । रुसी सेनामाकार्यरत नेपालीको जीवन रक्षार्थ अभियानकी संयोजक कृतु भण्डारीको अगुवाइमा माग पत्र बुझाइएको हो ।
भण्डारीको नेतृत्वमा परिवारले कहिले सिंहदरबार घेराउ त कहिले रुसी दूतावासअगाडि प्रदर्शन गर्दै आएका छन् । उनीहरुको मागकतैबाट सम्बोधन नभएको उनीहरूको गुनासो छ ।
हालसम्म रुसमा कार्यरत रहेकामध्ये अनशनकारीहरुसँग ६ सय २० भन्दा धेरै व्यक्तिको विवरण छ । जसमध्ये ३९ जना मृतक, १८ जना मृत्यु भएको भनिएका, तर पुष्टि हुनबाँकी, पाँचजना युुक्रेनको कब्जामा, ११७जना घाइते तथा २७२ जना सम्पर्कविहीन छन् ।
रुसी सेनामा करार सम्झौता रद्द गरेका नौजना, रुसी राहदानीका लागि आवेदन दिएका ११ जना, रुसी राहदानी नलिने कागजातमा हस्ताक्षर गरेका १९ जना र बाँकीव्यक्ति सम्पर्कमा छन् ।
थप समाचारहरु
बालुवाटारमा नयाँ सत्ता गठबन्धनको बैठक, शीर्ष नेताहरु सहभागी
कांग्रेसले फिर्ता लियो सरकारलाई दिएको समर्थन
आफ्नो लक्ष्य र उद्देश्य परिपुर्ती गर्नका लागि शक्तिका साथ अगाडि बढ्नुपर्छ : माधव नेपाल
कांग्रेस मझौला व्यवसायी विकास विभागले स्टार्टअप र साना मझौला व्यवसाय सम्मेलन गर्ने
सञ्चारमन्त्रीद्वारा मन्त्रिपरिषद्का निर्णय सार्वजनिक
बहुविवाहलाई कानुनी मान्यता दिने प्रयास अस्वीकार्य : श्रेष्ठ
