२७ चैत, काठमाडौं । राप्रपाको प्रदर्शनमा प्रहरीसँगको झडपमा परी राप्रपाका १४ जना घाइते भएका छन् भने दुई जनालाई प्रहरीले पक्राउ गरेको छ ।
४० बुँदे माग राखेर प्रदर्शन गर्ने पक्रममा प्रहरीसँग झडप हुँदा राप्रपाकाका १४ जना घाइते भएको र दुई जनालाई नियन्त्रणमा लिइएको काठमाडौं उपत्यका प्रहरी कार्यालयका एआइजी दीपक थापाले जानकारी दिए ।
उनका अनुसार झडपका क्रममा प्रदर्शनकारीले ढुंगा हान्ने र निषेधित क्षेत्रतर्फ अगाडि बढ्न खोजेपछि प्रहरीले राप्रपाका कार्यकर्तालाई नियन्त्रणमा लिइएको हो । प्रदर्शनकारीमाथि सुरूमा प्रहरीले पानीको फोहोरा हानेको थियो । तर, प्रदर्शनकारी नरोकिएपछि लाठी चार्ज गरेको छ ।
राप्रपाले गणतन्त्र खारेज गर्नुपर्ने, राजासहितको शासन व्यवस्था हुनुपर्ने, धर्मनिरपेक्षता खारेज गरी नेपाललाई हिन्दू राष्ट्र घोषणा गर्नुपर्ने लगायतका माग राख्दै आएको छ । प्रदर्शनको नेतृत्व पार्टी अध्यक्ष राजेन्द्र लिङ्देन आफैंले गरेका छन् । निषेधित क्षेत्रमा सुरक्षा व्यवस्था कडा पारिएको छ ।
थप समाचारहरु
गणतन्त्रको विराेधमा राप्रपाले काठमाडौं केन्द्रित प्रदर्शन गर्दै
सुनकाण्डमा एमालेले अंश खोजेर संसद चल्न दिएन : राप्रपा
राप्रपाले २७ भदौमा काठमाडौंमा विरोध सभा गर्ने
राप्रपाको केन्द्रीय कार्यसमितिको बैठक सुरु
कृष्णबहादुर महारालाई काठमाडौं ल्याइयो
गृहमन्त्री लामिछानेविरूद्ध सिंहदरवार अगाडि प्रदर्शन, १५ जना पक्राउ
