इंग्ल्यान्डका ब्याटरको स्थान दिल्लीमा दक्षिण अफ्रिकाका बलरले लिने

२६ चैत ,  एजेन्सी । दक्षिण अफ्रिकाका तीव्र गतिका बलर लिजाड विलिययम्सले इन्डियन प्रिमियर लिग (आईपीएल) २०२४ दिल्ली क्यापिटल्सबाट खेल्ने भएका छन् ।

दिल्लीले इंग्ल्यान्डका युवा ब्याटर ह्यारी ब्रुकको स्थानमा उनलाई टोलीमा समेटेको हो । आक्रामक युवा ब्याटर ब्रुकले पारिवारिक कारण आईपीएल नखेल्ने बताएका थिए ।

विलियम्सले यस आईपीएल खेले वापत ८० लाख नेपाली रुपैयाँ पाउनेछन् । ३० वर्षीय विलियम्सले दक्षिण अफ्रिकाबाट दुई टेस्ट, चार ओडीआई र ११ टी२० आई खेल खेलेका छन् । टी२० आईमा १६ विकेट लिँदा उत्कृष्ट प्रदर्शन ३–३५ छ ।

दिल्लीको टोलीमा दक्षिण अफ्रिकाका तीव्र गतिका बलर एनरिच नोर्किया पनि छन् । नोर्कियाले पावर प्ले र मध्यक्रममा राम्रो गर्दा डेथ ओभरमा भने खराब बलिङ गर्दै आएका छन् ।

दिल्ली ५ खेलमा १ मा जित र ४ मा हारसहित पुछारमा छ । राजस्थान ४ खेलमा ८ र कोलकाता ३ खेलमा ६ अंकका साथ शीर्ष र दोस्रो स्थानमा छन् ।

थप समाचारहरु

नेपालले आज कतारसँग खेल्दै खेलकुदलाई तीन अर्ब ५० करोड बजेट, अधिकांश राखेप केन्द्रीत पेरिस ओलम्पिक : प्रिन्स समूह चरणको सबै खेलमा पराजित सभापति कपः फाइनल प्रवेशका लागि सङ्कटा र मच्छिन्द्र खेल्दै ब्राजिलियन खेलाडी आना कर्णाली यसभिएसमा अनुबन्धित साफ यू–१७ महिला च्याम्पियनसिप अन्तर्गत आज नेपाल र बंगलादेश भिड्दैँ