२५ चैत, दाङ । लुम्बिनी प्रदेशका नवनियुक्त मुख्यमन्त्री जोखबहादुर महराले आज पद तथा गोपनीयताको शपथग्रहण गर्दैछन् ।
प्रदेश प्रमुखको कार्यालय बुटवलमा आज दिउँसो पौने दुई बजे शपथ ग्रहणको कार्यक्रम राखिएको प्रदेश प्रमुख अमिक शेरचनका प्रमुख स्वकीय सचिव नारायण प्रसाद आचार्यले जानकारी दिए ।
लुम्बिनी प्रदेशका मुख्यमन्त्री डिल्लीबहादुर चौधरीले राजीनामा दिएपछि ४८ जना प्रदेश सभा सदस्यको समर्थनमा माओवादी संसदीय दलका नेता जोखमबहादुर महरा शुक्रबार मुख्यमन्त्री नियुक्त भएका थिए ।
महराले आजै सानो आकारको मन्त्रिमण्डल गठन गर्ने तयारीसमेत गरेका छन् । सबै सत्ता साझेदार दलबाट कम्तिमा एक–एक जनालाई समेटेर मन्त्रिपरिषद् गठन गर्ने तयारी भइरहेको स्रोतले बतायो ।
त्यसका लागि सत्ता साझेदार दलका नेताहरुबीच छलफल भइरहेको छ । नेकपा माओवादी केन्द्र लुम्बिनी प्रदेशका इन्चार्ज सुदर्शन बरालले मन्त्री छनोटका विषयमा छलफल भइरहेको जानकारी दिए । ‘आजै सानो आकारको मन्त्रिपरिषद् गठन गर्ने कुरा छ । को–कोलाई पठाउने भनेर छलफल भइरहेको छ,’ बरालले भने ।
लुम्बिनी प्रदेशमा मुख्यमन्त्री तथा मन्त्रिपरिषदसहित दशवटा मन्त्रालय छन् ।
थप समाचारहरु
प्रदेश प्रमुख र मुख्यमन्त्रीलाई भैंसेपाटीमा बिलासी आवास
मधेस प्रदेशका मुख्यमन्त्री यादवले आज विश्वासको मत लिँदै
गण्डकीका मुख्यमन्त्री अधिकारीले २३ गते विश्वासको मत लिने
कोशीका नवनियुक्त मुख्यमन्त्रीको शपथ दिउँसो ४ बजे
गण्डकीमा सुरेन्द्रराज पाण्डे मुख्यमन्त्री बन्दै, आजै शपथ
गण्डकीकाे मुख्यमन्त्रीमा सुरेन्द्रराज पाण्डे नियुक्त
