३० फागुन, जनकपुरधाम । बुधबार काठमाडौंबाट फर्केका मुख्यमन्त्री सरोजकुमार यादवले नेपाली कांग्रेसका मन्त्रीलाई राजीनामा गराउने तयारी गरेका छन् ।
बिहीबार एमालेसँग सरकारमा सहभागिताबारे छलफल गर्ने र नवनियुक्त प्रदेश प्रमुख सुमित्रा सुवेदी आएपछि मन्त्रिपरिषद पुनर्गठन गर्ने उनले बताए ।
‘भोलि एमालेसित छलफल गर्छु । नवनियुक्त प्रदेश प्रमुख आउनुभएको छैन, आएलगत्तै सरकार पुनर्गठन गर्छौं’ मुख्यमन्त्री यादवले भने ।
मुख्यमन्त्री यादवले कांग्रेस मन्त्रीलाई बर्खास्त नगरी आफैं राजीनामा दिन लगाउने तयारी गरेका छन् । स्रोतका अनुसार केन्द्रमा सत्ता गठबन्धनमा नरहेका लोकतान्त्रिक समाजवादी पार्टी (लोसपा) लाई भने मधेश सरकारमा यथावत राख्ने मुख्यमन्त्री यादवको तयारी छ ।
१४ सदस्यीय मन्त्रिपरिषदमा जसपाका मुख्यमन्त्री बाहेक तीन मन्त्री र एक राज्यमन्त्री छन् । कांग्रेसका तीन, माओवादी केन्द्रका एक मन्त्री र एक राज्य मन्त्री, लोसपा र नेकपा एकीकृत समाजवादीको एक–एक मन्त्री छन् ।
९ माघमा जनमतले छाडेको दुई मन्त्रालय पनि मुख्यमन्त्री यादवसँगै छ ।
अब एमालेलाई कांग्रेसको भागमा रहेको तीन मन्त्रालय दिने र जनमतले छाडेको दुईमध्ये एक मन्त्रालय माओवादी केन्द्रलाई थप्ने मुख्यमन्त्रीको तयारी रहेको उनीनिकट स्रोतको दाबी छ ।
१०७ सदस्य मधेश प्रदेशसभामा सबभन्दा ठूलो दल रहेको एमाले सभामुखसहित २४, जसपाका १९, माओवादी केन्द्रका ९ र एकीकृत समाजवादीको ७ सिट छ । सरकारको बहुमतका लागि ५४ आवश्यक पर्छ । तर सत्ता गठबन्धन दलसँग आवश्यक बहुमत छ ।
थप समाचारहरु
अशोक राई नेतृत्वको नयाँ दल दर्ता गर्ने निर्वाचन आयोगको निर्णय
सुहाङले आज सांसद पदको शपथ ग्रहण गर्दै
सत्ता सहकार्य गर्न कांग्रेस–एमालेबीच सहमति : ओली प्रधानमन्त्री बन्दै, कांग्रेसलाई गृहसहित १० मन्त्रालय
कांग्रेस केन्द्रीय कार्यसम्पादन समितिको बैठक बुधबार
सबै प्रदेशमा मानव अङ्ग प्रत्यारोपण उपकेन्द्र स्थापना गर्ने मन्त्री पौडेलको घोषणा
परराष्ट्रमन्त्री राणा र स्पेनका प्रधानमन्त्रीबीच भेटवार्ता
