७ फागुन, काठमाडौं – नेरदल्यान्ड्सका स्पिनर आर्यन दत्तले आईसीसी क्रिकेट विश्वकप विश्वकप लिग–२ त्रिकोणात्मक ओडीआई सिरिजमा नामिवियाविरुद्ध आफ्नो ओडीआई करिअरको पहिलो पाँच विकेट पूरा गरेका छन् ।
चोभार एन्डबाट आएका लेग स्पिनर उनले पाँच विकेट लिँदै टस हारेर पहिला ब्याटिङको निम्तो पाएको नामिवियालाई दयनीय अवस्थामा पुर्याएका छन् ।
टियुको विहानी कन्डिसनको भरपूर्ण फाइदा उठाए । उनले नवौं ओभरको दोस्रो बलमा माइकल भान लिंगेलनलाई ४ रनमा एलबीडब्लू आउट गरे ।
यसै ओभरको अन्तिम बलमा जेपी कोट्जीलाई ५ रनमा बोल्ड गरे । ११ औं ओभरको तेस्रो बलमा जेन फ्रेलिंकलाई शून्यमा एलबीडब्लू आउट गरे । जेराल्ड इरास्मसलाई १३ रनमा क्याच र जान निकोल लोफ्टीलाई शून्यमा बोल्ड गरेका थिए ।
एक समय ७.२ ओभरमा २०–० को अवस्थामा पुगेको नामिविया १३ ओभरमा ४४–६ को दयनीय अवस्थामा पुगेको थियो । आर्यनले ४ ओभरमा १५ रन खर्चेर ५ विकेट लिएका छन् । नेदरल्यान्ड्स पहिलो खेलमा नेपालसँग ९ विकेटले पराजित भएको थियो । आर्यनले मात्रै ३ ओभरमा ४४ रन खर्चिदै खराब प्रदर्शन गरेका थिए ।
नामिवियाले १५ ओभरमा ६ विकेट गुमाउँदै ४७ रन बनाएको छ । नामिवियाको अन्तिम आशाको रुपमा जेजे स्मिथ ७ र जेन ग्रिन १ रनमा क्रिजमा छन् ।
नेपालसँग पहिलो खेलमा ९ विकेटले पराजित भएको नेदरल्यान्ड्सले रोलेफ मान डर मर्वे र तेजा निडामानिरुलाई खेलाएको छ । शरिज अहमद र वेस्ली ब्यारेसीलाई बेन्चमा छन् ।उता नामिवियाले टोलीमा एक परिवर्तन गरेको थियो । नेपालविरुद्ध डेब्यू खेल खेलेका ज्याक ब्रासेललाई बाहिर राख्दा जेपी कोट्जीलाई खेलाएको थियो ।
थप समाचारहरु
हङकङ सुपर सिक्सेस : अष्ट्रेलियामाथि नेपालको शानदार जित
राष्ट्रपति रनिङ शिल्डः श्रीकेदार मावि प्रथम
सन्दीप लामिछानेलाई क्यानले गर्यो कारवाही
केपी ओली कपःपहिलो खेलमा एपीएफ र संकटा भिड्दै
नेपाली क्रिकेट टोलीको वरीयता खस्कियो, दीपेन्द्र झरे तेस्रोमा
आइसिसी विश्वकप लिग २ : नेदरल्याण्ड्स माथि नेपालको दोस्रो जित
