३ पुस, काठमाडौं । नेकपा माओवादी केन्द्रको पदाधिकारी बैठक बस्दै छ । बैठक मंगलबार दिउँसो ३ बजे पार्टी कार्यालय कोटेश्वरमा बस्ने माओवादी केन्द्रका उपाध्यक्ष एवम् प्रवक्ता अग्निप्रसाद सापकोटाले जानकारी दिए ।
बैठकमा आगामी राष्ट्रियसभा निर्वाचन, पार्टीले सन्चालन गरेको जनतासँग माओवादी विशेष अभियान, केन्द्रीय समिति बैठक र पार्टीको विधान सम्मेलनका विषयमा छलफल हुने सापकोटाले बताए ।
विशेष गरी आगामी ११ माघमा हुने राष्ट्रिय सभा निर्वाचन र आगामी १६ पुसमा समापन हुन लागेको पार्टीको अभियानका विषयमा बैठकमा छलफल हुने उनको भनाइ छ । अभियानको समीक्षाका लागि केन्द्रीय समितिको बैठक बोलाउने मिति यो बैठकले तय गर्ने बताइएको छ ।
बैठकमा पार्टी अध्यक्ष समेत रहेका पुष्पकमल दाहाल प्रचण्ड नेतृत्वको सरकार एक वर्ष पुगेकाले त्यसको समीक्षा पनि हुने बताइएको छ ।
थप समाचारहरु
माओवादी केन्द्रको टोलीले भेट्यो भाजपा अध्यक्ष
केन्द्रीय समिति विस्तार गर्ने माओवादीको निर्णय, बैठकको लाइभ नगर्ने
हाम्रो पार्टी पार्टी जस्तो भइरहेको छैन : प्रचण्ड
साढे ७ लाख पार्टी सदस्य रहेको माओवादीको दाबी
राष्ट्रियसभाको अध्यक्षमा माओवादीको दाबी, देउवा दबाबमा
विश्वद्वीप पाण्डे माओवादी केन्द्रमा फर्किए
