यमन र नेपालबीचको पहिलो हाफ गोलरहित

५ मंसिर, काठमाडौं । विश्वकप छनोटको समूह चरणको दोस्रो खेलमा नेपाल र यमनले पहिलो हाफमा गोलरहित बराबरी खेलेका छन् ।

समूह एच अन्तर्गत त्रिपुरेश्वरस्थित दशरथ रंगशालमा भइरहेको खेलमा दुवै टोलीले पहिलो हाफमा गोल गर्न सकेनन् । पहिलो हाफमा नेपालको फिनिसिङ राम्रो हुन सकेन । अग्रपंतिमा खेलेका जिलेस्पी जंग कार्की फिक्का देखिए ।

यमनका लागि ३२ मिनेटमा अहमद माहेरले पेनाल्टी बक्स भित्रबाट हानेको बल पोष्ट माथिबाट बाहिरिएको थियो ।

मुख्य प्रशिक्षक भिनसेन्जो अल्बर्टो एनेसले यमन विरुद्ध पहिलो रोजाईँमा यसअघिको खेलबाट तीन खेलाडी परिवर्तन गरेका थिए ।

अनन्त तामाङ, दिनेश हेन्जन र एरिक विष्ट पहिलो रोजाईँमा पर्दा मनिष डाँगी र छिरिङ लामा बेन्चमा छन् । यसअघि भएको पहिलो खेलमा नेपाल युएईसँग ४-० ले यमन बहराइनसँग २-० ले पराजित भएको थियो ।

घरेलु मैदानमा भएको खेल हेर्न ठूलो संख्यामा समर्थकहरु रंगशालामा पुगेका छन् ।

नेपालको प्लेइङ ११

किरण कुमार लिम्बु (कप्तान), रोहित चन्द, अनन्त तामाङ, सनिश श्रेष्ठ, आशिष चौधरी, ऐरिक विष्ट, उत्सव राई, दिनेश हेन्जन, अन्जन विष्ट, जिलेस्पी जंग कार्की र सेसेहाङ आङ्दाम्बे ।

थप समाचारहरु

एनएसएल : दोस्रुो हाफको सुरूवातमै ललितपुरलाई ३-१ गोलको अग्रता कोष्टारिका कोपा अमेरिकाको समूह चरणबाटै विदा साफ यु–१७ च्याम्पियनसिप: सेमिफाइनलमै सकियो नेपालको यात्रा दोस्रो बागमती प्रदेश लिग फुटबल प्रतियोगिता अन्तर्गत आज दुई खेल हुदैँ जनकपुर बोल्टसका खेलाडीलाई जनकपुरमा स्वागत नेपाली टोली पहिलो पटक महिला विश्वकपको ग्लोबल छनोटमा