२४ कात्तिक, सुर्खेत । जाजरकोट भूकम्पमा परेर घाइते भएका थप एक जनाको उपचारका क्रममा मृत्यु भएको छ । मृत्यु हुनेमा रुकुम पश्चिमको चौरजहारी नगरपालिका–१, का ३२ वर्षीय निरक विष्ट छन् ।
उनको उपचारका क्रममा कर्णाली प्रदेश अस्पतालमा आज बिहान मृत्यु भएको प्रदेश अस्पतालका डा. केएन पौडेलले जानकारी दिए । विष्टको आज बिहान ९ बजे उपचारको क्रममा मृत्यु भएको उनले बताए ।
यससँगै जाजरकोटको बारेकोट–१ रामिडाँडा केन्द्रविन्दु भएर कात्तिक १७ गते गएको भूकम्पमा परी मृत्यु हुने संख्या १५४ पुगेको छ । रुकुम पश्चिममा ५३ र जाजरकोटमा १०१ जनाको मृत्यु भएको छ ।
हाल कर्णाली प्रदेश अस्पतालमा २६ घाइतेहरुको उपचार भइरहेको अस्पताल प्रशासनले जनाएको छ ।
थप समाचारहरु
भूकम्प पीडितका लागि सुदूरपश्चिम सरकारले १ करोड दिने, २० जना स्वास्थ्यकर्मी पठाउने
भूकम्पमा घाइते भएकाको सबै उपचार निःशुल्क
भूकम्पमा चर्किएका घरले पहिलो झरी थेग्दैनन्, पुनर्निर्माण गर्नुपर्छ : जनार्दन शर्मा
संविधान संशोधन र राजनीतिक स्थायित्वका लागि सहमति बनेको हो’
मनत केसीलाई खुकरी प्रहार गर्ने तीनजना पक्राउ
डा.शेखर कोइरालालाई धनगढीमा १५ किलोको माला
