१९ असोज, काठमाडौं । नेकपा एमालेका सांसद गोकुलप्रसाद कास्कोटाले शिक्षा क्षेत्रको निजीकरणले शैक्षिक क्षेत्रमा समस्या सिर्जना गरेको टिप्पणी गरेका छन् ।
प्रतिनिधि सभामा प्रस्तुत विद्यालय शिक्षा विधेयकमाथिको सैद्धान्तिक छलफलमा भाग लिँदै उनले ‘शैक्षिक क्षेत्रमा मुलुक पोलिसी डिपाचरमा जान खोजेको जस्तो’ देखिएको भनी सरकारको ध्यानाकर्षण गरे ।
‘बहुदलीय व्यवस्थाको आगमनसँगै शैक्षिक क्षेत्रमा गरिएको अन्धाधुन्ध निजीकरणको परिणाम, आजको शैक्षिक बेतिथी, अति राजनीतिकरण, गुणस्तरका कमी, ब्रेन डेनको अवस्था, सारा देशका भविष्यका कर्णधारहरुले यो देश मेरो हो र बाँच सक्छु र यो देशलाई योगदान दिन सक्छु भन्ने आधार सिर्जना भएन’ बास्कोटाले भने ।
विद्यालयका नामहरु समेत नेपाली नभएकोमा उनको विरोध छ । ‘कलेजका नामहरु बार्सा, चेल्सी, लिभरपुल’ उनले थपे, ‘के यहाँ सगरमाथा छैन ? जनक छैन । केही पनि छैन ?’
सार्वजनिक विद्यालयमा पढाउने शिक्षकले समेत आफ्नो बच्चालाई सामुदायीक सार्वजनिक विद्यालयमा पढाउने गरी विश्वास गर्न नसकेको बताए । समाजवादमा पुग्नका लागि शिक्षालाई सही रुपमा अगाडि लानुपर्ने उनको भनाइ छ ।
थप समाचारहरु
ठूला दुई दलको सहकार्यले टीआरसीलाई टुङग्याउँने विश्वास छ : देवी खड्का
विकास योजनाहरुको अनुगमनमा मन्त्री काफ्ले, समयमै काम सक्न निर्देशन
वार्षिक कार्ययोजना समयमै सम्पन्न गर्न मन्त्री गुप्ताको निर्देशन
कीर्तिपुर नगरका लागि माओवादी केन्द्रको प्रतिबद्धता पत्र सार्वजनिक
नहर मासेर ढल निर्माण गर्न खोज्दा दुई दिनदेखि लहान तनावग्रस्त
व्यवसाय र मानव अधिकार संरक्षणमा प्रदेश सरकार प्रतिबद्ध : मुख्यमन्त्री कार्की
