२२ भदौ, काठमाडौं । संक्रमणकालीन न्यायसम्बन्धी विधेयकमा सहमति जुटाउन थप सात दिनको समय पाएको संसदीय उपसमिति सक्रिय भएको छ । अनौपचारिक छलफलमा रहेका समिति सदस्यहरु आइतबार औपचारिक छलफलमा जुट्दैछन् ।
उपसमिति सदस्य सन्तोष परियारका अनुसार आइतबार बिहान साढे ८ बजे उपसमितिको बैठक बोलाइएको छ । अब बस्ने बैठकले प्रतिवेदन लेखनको कार्य सुरु गर्ने जनाइएको छ ।
यसअघि संसदीय उपसमितिले बिभिन्न सरोकारवाला पक्ष र विधेयकमाथि संशोधन दर्ता गर्ने सांसदहरुसँग छलफल गरिसकेको छ ।
उपसमितिमा सुवासचन्द्र नेम्बाङ, महेशकुमार बर्तोला, रमेश लेखक, जीवन परियार, सुशीला थिङ, सन्तोष परियार, गोमा लाभ सापकोटा, पूर्णबहादुर घर्ती, रञ्जुकुमारी झा, ध्रुवबहादुर प्रधान, शेरबहादुर कुँवर सदस्य छन् ।
पछिल्लो पटक उपसमितिको म्याद सात दिन थपिएको छ । १९ भदौमा बसेको समिति बैठकले सात दिन म्याद थपेको हो । जेठ ५ गते गठित उपसमितिलाई सुरुमा २१ दिनको समय दिइएको थियो ।
समय अपुग भएको भनी असार ५ गते १५ दिनको म्याद थप गरिएको थियो । अझै प्रतिवेदन लेखनको कार्य सुरु गर्न नसकिएको भन्दै उपसमितिले माग गरेको आधारमा पुनः ७ दिन समय थपिएको हो ।
थपिएको समयभित्र उपसमितिले आफ्नो प्रतिवेदन समितिमा पेश गर्ने गरी गृहकार्य अगाडि बढाएको उपसमिति सदस्यहरु बताउँछन् ।
थप समाचारहरु
देशमा केही पनि भएन भन्ने भाष्य गलत : प्रधानमन्त्री
संविधान संशोधन सबैदलको सहमतिमा हुन्छ : गृहमन्त्री लेखक
अध्यक्ष लिङदेनको चेतावनी : आन्दोलनमा दमनको सहारा लिएमा बढारिनुपर्ने छ
गृहमन्त्री लेखक र भाजपा नेता कोश्यारीबिच भेटवार्ता
रास्वपा र रवि लामिछानेलाई अन्याय नहोस् भनेर अहिलेपनि लागिरहेको छु : अध्यक्ष प्रचण्ड
एमालेको सचिवालय बैठक बस्दै
