२१ भदौ, काठमाडौं । नेकपा एमालेले प्रधानमन्त्री पुष्पकमल दाहाल प्रचण्डलाई चीन भ्रमणको एजेण्डा र प्राथमिकताहरुबारे संसदमा छलफल चलाउन माग गरेको छ ।
नेकपा एमालेको तर्फबाट बिहीबार प्रतिनिधि सभामा विशेष समय लिएर बोल्दै एमाले सांसद रघुजी पन्तले चीन जानु अगाडि संसदमा आफ्नो प्राथमिकताबारे संसदलाई जानकारी गराउन र सांसदहरुको सुझाव लिन आग्रह गरे ।
‘प्रधानमन्त्रीको चीन भ्रमणको मिति र एजेण्डाहरु यि यि हुन सक्छन् भनेर संसदमा आएर छलफल गर्ने फुर्सद छ वा छैन ? प्रधानमन्त्रीको ध्यानाकर्षण गराउन चाहन्छु’ उनले भने, ‘यहाँ (संसद)मा आउनुहोस् र छलफल गरेर जानुहोस् ।’
प्रधानमन्त्री प्रचण्ड संयुक्त राष्ट्रसंघको महासभामा भाग लिन जाँदैछन् । त्यहाँबाट सिधै चीन भ्रमणमा जाने उनको तयारी छ । यसमा पुर्नबिचार गर्न पनि एमाले सांसद पन्तको सुझाव छ ।
‘सयुक्त राष्ट्र संघ प्राथमिकता हो कि चीन भ्रमण ? मलाई लाग्छ चीन भ्रमण प्राथमिकता हो’ उनी भन्छन्, ‘अर्को देशबाट जाँदा त्यसको प्रभाव कम हुन सक्छ । यो विषयमा ध्यान आकृष्ट होस् ।’
चीन भ्रमणमा जाँदा बिभिन्न नाका खोल्ने विषय देखि विद्युत ब्यापार सम्झौता लगायतका विषय प्रधानमन्त्रीको चीन भ्रमणको एजेण्डा हुन सक्ने उनले बताए ।
भारतलाई १० हजार मेगावाट विद्युत बेच्ने सम्झौता भएको र अगाडि बढेको उल्लेख गर्दै उनले चिनिया पक्षलाई पनि विद्युत बेच्ने विषय भ्रमणको एजेण्डा बन्नुपर्ने सुझाए । दुवै तिर विद्युत ब्यापार खुला हुँदा भारतबेस्टित अवस्थाको अन्त्य हुने पनि उनले सुझाएका छन् ।
थप समाचारहरु
रास्वपाका सांसद वाग्लेको अभिव्यक्ति देशविरोधी छ : सांसद पन्त
कतारका अमिरको स्वागतमा सिँगारियो काठमाडौँ
अर्थमन्त्रीले आज प्रतिनिधि सभामा सांसदले उठाएका प्रश्नको जवाफ दिने
बालेनका समर्थक बसन्तपुरबाट प्रहरी नियन्त्रणमा
दिग्भ्रमित पार्न सक्ने खतराबाट आमसञ्चारका माध्यमहरू सचेत हुनुपर्छ : राष्ट्रपति पौडेल
अर्थमन्त्री पौडेल र चीनको सिड्का अध्यक्षबीच भेट : चारवटा परियोजनाको समझदारी पत्रमा हस्ताक्षर
