१३ भदौ, काठमाडौं । ६० किलो सुन तस्करी प्रकरणमा पक्राउ परेका गणेश पौडेल त्रिभुवन अन्तर्राष्ट्रिय विमानस्थल भन्सार कार्यालयका कर्मचारी भएको खुलेको छ ।
अनुसन्धानमा संलग्न एक अधिकृतका अनुसार, पौडेल भन्सार कार्यालयमा मूल्यांकन शाखाका अधिकृत भएको खुलेको छ । उनले भन्सार कार्यालयमा कार्यरत रहेर सुन तस्करी गर्ने गिरोहलाई सहयोग गरेको तथ्य फेला परेको बताइएको छ ।
हङकङबाट आएको ब्रेक प्याडभित्र लुकाएर ल्याएको सुन भन्सार जाँच पास भइसकेको अवस्थामा ३ साउनमा बरामद भएको थियो । राजश्व अनुसन्धान विभागले १९ दिनसम्म छानबिन गरेर सुन प्रकरणको सम्पूर्ण अनुसन्धान सीआईबीलाई हस्तान्तरण गरेको थियो ।
सीआईबीले गरेको अनुसन्धानका क्रममा यसमा भन्सार कर्मचारी पनि संलग्न रहेको देखिएको हो । हालसम्म यो प्रकरणमा चिनियाँसहित ६ जना विदेशी नागरिक पक्राउ परेका छन् भने जम्मा पक्राउ पर्नेको संख्या २५ पुगेको छ ।
यो प्रकरणको अनुसन्धानका लागि सीआईबीले हङकङमा एसएसपी दिनेश आचार्यलाई पठाएको छ ।
थप समाचारहरु
कृष्णबहादुर महरासँग आज पनि बयान लिइँदै
गृहमन्त्रीलाई एक मिनेट पनि पदमा बस्ने छुट छैन : शेखर कोइराला
संविधान संशोधन र राजनीतिक स्थायित्वका लागि सहमति बनेको हो’
मनत केसीलाई खुकरी प्रहार गर्ने तीनजना पक्राउ
डा.शेखर कोइरालालाई धनगढीमा १५ किलोको माला
प्रधानमन्त्रीले स्तर गुमाए, उहाँमा मानसिक विचलन देखियो : मनिष झा
