१३ भदौ, काठमाडौं । दक्षिण एसियाली क्षेत्रीय सहयोग संगठन (सार्क)का महासचिव इसाला रुवान विराकुनले प्रधानमन्त्री पुष्पकमल दाहाल ‘प्रचण्ड’ सँग बिदाइ भेट गरेका छन् ।
बुधबार बिहान प्रधानमन्त्री निवास बालुवाटारमा भएको भेटवार्तामा प्रधानमन्त्री प्रचण्डले सार्क महासचिवको रूपमा सार्कलाई सक्रिय बनाउन निर्वाह गरेको भूमिकाको प्रंशसा गरेका थिए ।
सार्क सचिवालयमा नयाँ महासचिव बंगलादेशबाट आउने टुंगो लागेको छ’। अध्यक्ष राष्ट्र नेपाल र सार्क सचिवालयको लगातारको प्रयासपछि सार्क सचिवालय नेतृत्वविहीन हुनबाट जोगिएको छ।
सार्कको नयाँ महासचिवमा बंगलादेशका वरिष्ठ कूटनीतिज्ञ गोलम सरवर नियुक्त भएका छन् । सार्कको संस्थापक मुलुक पाकिस्तानले हालका लागि अफगानिस्तानलाई छाडेर अघि बढ्न सकिने सहमति दिएपछि सचिवालयको नेतृत्व टुंगो लागेको थियो।
श्रीलंकाका महासचिवले जिम्मेवारी पूरा गरेपछि सार्क सचिवालयमा महासचिवको नेतृत्व गर्ने जिम्मा सार्कको कान्छो सदस्य मुलुक अफगानिस्तानको थियो।
सार्क सचिवालयको नेतृत्व अंग्रेजी अल्फाबेटअनुसार चयन हुने हुँदा अफगानिस्तानको पालो थियो । तर, अध्यक्ष राष्ट्रसहित नेपालसहित सातवटै मुलुकको सहमतिमा बंगलादेशले नेतृत्व गर्ने अवसर पाएको छ ।
थप समाचारहरु
श्रम आप्रवासन र कूटनीतिक नियोगको भूमिकाबारे छलफल गर्दै प्रधानमन्त्री प्रचण्ड
प्रधानमन्त्री प्रचण्ड न्यूयोर्कमा
विश्वविद्यालयलाई समुदायस्तरमा विस्तार गर्नु आवश्यक छ : प्रधानमन्त्री प्रचण्ड
गणतन्त्र नागरिकको जीवनशैलीकोरुपमा संस्थागत भएको छ : प्रधानमन्त्री दाहाल
सबै वामपन्थी र लोकतान्त्रिक शक्ति एक ठाउँमा उभिनुपर्छ : प्रधानमन्त्री
संविधानको रक्षा र कार्यान्वयनमा जनताको खबरदारी आवश्यक : प्रचण्ड
