२२ साउन, काठमाडौं । राष्ट्रिय प्रजातन्त्र पार्टी (राप्रपा)ले अवैध सुन आयात प्रकरणमा एमालेले अंश खोजेको गम्भीर आरोप लगाएको छ ।
गैरकानुनी रुपमा नेपाल भित्रिएको झण्डै एक सय किलो सुन बरामद भएको विषयलाई लिएर एमालेले अनावश्यक रुपमा सत्तारुढ दलहरुसँग भाग खोजेको राप्रपाका प्रमुख सचेतक ज्ञानेन्द्र शाहीको टिप्पणी छ । ‘सुनकाण्डमा तोलमोल भयो । उच्च स्तरीय छानबिन भनेर एमालेले सुन काण्डमा अंश खोज्यो । यो गम्भीर अपराध हो’ प्रमुख सचेतक शाहीले अनलाइनखबरसँग भने ।
गत साउन २ गते त्रिभुवन विमानस्थलबाट गैर कानुनी रुपमा भित्रिएको झण्डै एक सय किलो सुनको विषयले राजनीतिक वृत तरंगित छ । यस प्रकरणमा सरकारले गर्ने अनुसन्धानमा विश्वास नरहेको भन्दै प्रमुख प्रतिपक्षी एमालेले साउन १० गतेदेखि संघीय संसदको दुवै सदन (राष्ट्रिय सभा र प्रतिनिधि सभाको बैठक चल्न दिएको छैन ।
सोमबार बसेको प्रमुख तीन दलको बैठक पनि निस्फल भएपछि अर्को बैठक मंगलबार दिउँसो ३ बजेका लागि बोलाइएको छ ।
थप समाचारहरु
राप्रपाले २७ भदौमा काठमाडौंमा विरोध सभा गर्ने
राप्रपाको केन्द्रीय कार्यसमितिको बैठक सुरु
सत्ता गठबन्धनको विपक्षमा बस्ने राप्रपाको निर्णय
गणतन्त्रको विराेधमा राप्रपाले काठमाडौं केन्द्रित प्रदर्शन गर्दै
राप्रपाको प्रदर्शनमा झडप हुँदा १४ जना घाइते,२ जना प्रहरी नियन्त्रणमा
राप्रपाले माग्यो गृहमन्त्री लामिछानेको राजीनामा
