१० साउन, काठमाडौं । नेपाली कांग्रेसको केन्द्रीय समितिको बैठक आज समापन हुँदै छ । समापन अघि केन्द्रीय समितिको बैठकबाट गर्ने निर्णयलाई अन्तिम रुप दिन नेताहरु गृहकार्यमा व्यस्त छन् ।
केन्द्रीय समितिको बैठकले गर्ने निर्णयलाई अन्तिम टुंगो लगाउन आज बिहान ११ बजे पुनः पदाधिकारीको बैठक बस्दै छ ।
यसअघि मंगलबार पनि सभापति शेरबहादुर देउवाको निवास धुम्बाराहीमा पदाधिकारी बैठक बसेर निर्णयको मस्यौदा तयार पार्ने जिम्मा नेताहरुलाई दिएको थियो ।
ती नेताहरुले आजको पदाधिकारी बैठकमा मस्यौदा पेस गर्नेछन् । त्यसपछि सभापति र महामन्त्रीहरुले निर्णयको मस्यौदालाई अन्तिम रुप दिएर अनुमोदनका लागि केन्द्रीय समिति बैठकमा प्रस्तुत गर्नेछन् । केन्द्रीय समितिको बैठक आज अपराह्न चार बजे बस्दै छ ।
नेपाली कांग्रेसको केन्द्रीय समितिको बैठक साउन २ गतेदेखि काठमाडौंमा सुरु भएको थियो । बैठकमा महामन्त्रीद्वय विश्व प्रकाश शर्मा र गगन थापाले पार्टीको एक वर्षे कार्ययोजना प्रस्तुत गरेका थिए । केन्द्रीय सदस्यहरुले समसामयिक राजनीतिका साथै कार्ययोजनामा विभिन्न सुझाव प्रस्तुत गरेका थिए ।
केन्द्रीय सदस्यहरुको सुझावको आधारमा आजको बैठकमा महामन्त्रीले संशोधित कार्ययोजना पनि पेस गर्नेछन् । त्यसपछि विभिन्न निर्णय गर्दै आज केन्द्रीय समिति बैठक समापन हुने नेपाली कांग्रेसको केन्द्रीय कार्यालयले जनाएको छ ।
थप समाचारहरु
कांग्रेस कार्यसम्पादन समितिको बैठक बस्दै
कांग्रेसले फेरि थप्यो भ्रातृ संस्थाको अवधि
बालुवाटारमा कांग्रेसको प्रस्ताव : सहकारीमा ठगी भएका सबै अनियमितताको छानबिन गरौं
संसदीय छानबिन समिति गठन गर्नै हुन्न ? यस्तो छ विगतको अभ्यास
आफ्ना विरुध्द उठेको प्रश्न सह्य नभएपछि सिरोहिया विरुध्द पक्राउ पूर्जी
संसदलाई ब्यारेक बनाइएको नेपाली काँग्रेसको आरोप
