गैरआवासीय नेपाली नागरिकताका लागि समय लाग्ने

८ असार, काठमाडौं । सर्वोच्च अदालतले नागरिकता विधेयक प्रमाणीकरण गर्ने राष्ट्रपतिको निर्णय कार्यान्वयन नगर्न दिएको अन्तरिम आदेशलाई निरन्तरता नदिने फैसला गरेसँगै जन्मसिद्ध नागरिकका सन्तानले नागरिकता पाउने बाटो खुलेको छ ।

उनीहरुले नागरिकता प्राप्तिका लागि दिएको निवेदन शुक्रबार विभिन्न जिल्ला प्रशासन कार्यालयहरुले दर्ता गरेका छन् । झापामा मात्रै ३०० वटा निवेदन दर्ता भएका छन् ।

नेपाल नागरिकता (पहिलो संशोधन) ऐन, २०७९ मा गैरआवासीय नेपालीलाई समेत नागरिकता दिने व्यवस्था गरेको छ ।

राजनीतिकबाहेक आर्थिक, सामाजिक र सांस्कृतिक अधिकार प्रयोग गर्न पाउने गरी गैरआवासीय नेपाली नागरिकता प्राप्त गर्नसक्ने व्यवस्था ऐनमा छ ।

तर ऐन कार्यान्वयनको बाटो खुलेपनि तत्काल गैरआवासीय नेपालीले यो अधिकार तत्काल उपभोग गर्न पाउने छैनन् । गृह मन्त्रालयको नागरिकता तथा राष्ट्रिय परिचपत्र व्यवस्थापन शाखाका उपसचिव कृष्णबहादुर कटवालका अनुसार, गैरआवासीय नेपाली नागरिकलाई नागरिकता दिने सम्बन्धमा नागरिकतासम्बन्धी नियमावलीलाई संशोधन गर्नुपर्ने भएकाले थप केही समय लाग्नेछ ।

‘आइतबार यस विषयमा कानून शाखासँग छलफल गर्दैछौं, त्यसपछि नियमावली संशोधन वा कार्यविधि बनाएर कार्यान्वयनमा जान्छौं’, उनले अनलाइनखबरसँग भने ।

थप समाचारहरु

सरकारले प्रदान गर्‍यो गैरआवासीय नेपालीलाई नागरिकता सर्वोच्चको व्‍याख्या : नागरिकता नपाउँदैमा गैरनेपाली हुँदैन स्वास्थ्य सेवा विभागको महानिर्देशकमा डा. संगीता मिश्रा २ अर्बको सरकारी परियोजना मुद्दामा यूटीएल हार्‍यो, रिट खारेज न्यू डाँफेलाई हराउँदै हाँडीखोला युथ क्लब सेमिफाइनलमा उपनिर्वाचनको सम्पूर्ण तयारी पूरा